काठमाडौं । अवैध रुपमा बिदेशी मुद्रा बोकेको भन्दै प्रहरीले नेपाली मुलका नेदरल्याण्ड्स नागरिकलाई पक्राउ गरेको छ । ८ हजार २ सय ३० सहित नेपाली मुलका नेदरल्याण्ड्स नागरिक ३५ वर्षीय जोग गुरूङ आइतबार राति पक्राउ परेका हुन्।

नेपाल एयरलाईन्सको उडानद्वारा काठमाडौंबाट दुबई हुँदै नेदरल्याण्ड्स जान लागेका उनलाई उक्त युरोसहित त्रिभुवन अन्तर्राष्ट्रिय उडान तर्फको प्रस्थान होल्ड व्यागेज चेकिङ एरियाबाट प्रहरीले पक्राउ गरेको हो । उनको साथबाट युरो ५ सय दरको ४ थान, २ सय दरको ११ थान, १ सय दरको ३ थान, ५० दरको ७३ थान, २० दरको ३ थान र १० दरको २ थान बरामद भएको हो । उनले सो रकम बैधानिक रुपमा साटेको प्रमाण देखाउन नसकेको प्रहरीले जनाएको छ ।