NepalWatch

News Portal For Eeverything In Nepal from Nepal

२०८१ असार १ गते

माइतीघरमा रोकेपछि दुर्गा प्रसाईले मागे दरबारमार्ग

काठमाडौं । माइतीघर–बानेश्वर क्षेत्रमा आन्दोलन निषेध गरेपछि व्यवसायी दुर्गा प्रसाईले दरबारमार्ग क्षेत्रमा कार्यक्रम गर्न दिन मागेका छन् । तर, जिल्ला प्रशासन कार्यालयले निर्णय गरेको छैन ।

स्रोतका अनुसार चक्रपथ क्षेत्रमा कार्यक्रम गर्न प्रस्ताव गरिएको छ । माछापोखरी क्षेत्रमा कार्यक्रम गर्न उनलाई सुरक्षा निकायले आग्रह गरेको छ ।
उता एमालेका युवा–बिद्यार्थीले भने तीनकुनेमा कार्यक्रम गर्ने तय गरेको छ । एमालेले भक्तपुरबाट ठूलो जुलुस निकाल्ने तयारी गरेको छ ।
जिल्ला प्रशासन कार्यालयले सोमबार माइतीघर–बानेश्वरलाई निषेधित क्षेत्र घोषणा गरेको छ ।

दुवै पक्षले ७ मंसिरमा विरोध प्रदर्शनको कार्यक्रम राखेपछि सुरक्षा निकाय तनावमा परेका हुन् ।