NepalWatch

News Portal For Eeverything In Nepal from Nepal

२०८० फागुन १० गते

प्रहरीभित्र अराजकताः असइले हानेको गोली लागेर जवान घाइते, एसपीले एक सातापछि थाहा पाए

महोत्तरी । प्रहरीभित्र अनुशासनहीता र अराजकता कुन हदसम्म बढेको छ भने असइले हानेको गोली लागेर जवान घाइते हुन्छन्, एसपीले एक सातापछि मात्र घटनाको जानकारी पाउँछन् । यस्तो अवस्था आएको छ महोत्तरीमा छ ।

कात्तिक ३० गते राति एकडारा गाउँपालिका–४ स्थित हलखोरी प्रहरी चौकीका इन्चार्ज असई रामईश्वरप्रसाद यादव हानको गोली लागेर प्रहरी जवान राजेशकुमार साह घाइते भएका थिए। जून विषयमा बल्ल छानबिन सुरु भएको छ । आइतबार असई यादब निलम्बनमा परेका छन् ।
असइ कारबाहीमा पर्ने भएपछि घटना गुपचुप बनाइएको हो ।

जून कुरा महोत्तरीका एसपी प्रकाश मल्लले समेत थाहा पाएनन् । प्रहरी जवान साहलाई भारतमा उपचारका लागि लगिएको थियो। त्यसबारेमा भारतीय प्रहरीले सप्तरी प्रहरीलाई फोनमार्फत जानकारी दिएपछि घटना बाहिरिएको हो। यसले प्रहरीको कमजोर कमाण्ड पनि बाहिर आएको छ ।