काठमाडौं । अब लुम्बिनी प्रदेशका निजामती सेवामा कार्यरत महिला कर्मचारीलाई महिनावारी बिदा दिइने भएको छ ।

सो निर्णय प्रदेश सभाबाट पारित भएर प्रमाणीकरण भइसकेको प्रदेश निजामती सेवाको गठन, सञ्चालन र सेवाका शर्त सम्बन्धी ऐनले महिनावारी बिदाको व्यवस्था गरेको हो । बिदा सरकारले नियमावलीबनाएर पारित गरेपछि लागू हुनेछ ।

यसअघि महिला कर्मचारीले भैपरी आउने, पर्व विदा, घर विदा, बिरामी विदा, प्रसुति तथा प्रसुति स्याहार विदा, मृत्यु संस्कार विदा, अध्ययन र असाधारण विदा पाउँदै आएका थिए ।