काठमाडौं । मंगलबार जनमत पार्टीले मधेसमा सरकारलाई दिएको समर्थन फिर्ता लिएसँगै सरकारमा सहभागी दुई मन्त्रीले राजीनामा दिएका छन् ।

शिक्षा तथा संस्कृति मन्त्री एवं जनमत पार्टीका संसदीय दलका नेता महेशप्रसाद यादव र श्रम तथा यातायात मन्त्री चन्दन सिंहले मुख्यमन्त्री सरोजकुमार यादव समक्ष राजीनामा बुझाएका हुन्।

जनमतले सरकारबाट समर्थन फिर्ता लिएपछि विज्ञप्ति जारी गर्दै मन्त्रीहरूले किसानका लागि सकारात्मक कार्यक्रमहरू ल्याएर लोकप्रियता पाइरहेको बेला पार्टीको भागमा परेको मन्त्रालय खोस्ने काम भएको आरोप लगाएका छन् ।