काठमाडौं । राष्ट्रिय स्वतन्त्र पार्टी (रास्वपा) ले शुक्रबारका लागि संसदीय दलको बैठक आह्वान गरेको छ ।

१९ माघ शुक्रबार बिहान ११ बजेदेखि बस्ने गरी बैठक बोलाइएको संसदीय दलका उपनेता विराजभक्त श्रेष्ठले जानकारी दिए ।

बैठकका संसदमा प्रस्तुत हुने विधेयक, संसदमा उठाउने नागरिक मुद्दा र विविध एजेण्डामाथि छलफल हुने उनले बताए ।

संघीय संसदको बैठक २२ माघमा बोलाइएको छ । हिउँदे अधिवेशनलाई विधेयक अधिवेशनका रुपमा बुझिन्छ । अघिल्लो संसद बैठकले एउटा मात्रै कानुन बनाएको थियो ।