काठमाडौं । प्रतिनिधिसभाको बैठक आज बस्दैछ । बैठक अहिले बिहान ११ बजेका लागि तय छ ।

संघीय संसद् सचिवालयका अनुसार, आजको बैठकमा दलका नेताले आफ्नो भनाइ राख्ने कार्यसूची छ ।संसदको नयाँ अधिवेशनको सुरुवातमा दलका नेताले भनाइ राख्ने प्रचलन छ । संसदको हिउँदे अधिवेशन मंगलबारदेखि सुरु भए पनि दलका नेताले भनाइ राखेका छैनन् ।

सम्पत्ति शुद्धीकरण निवारण तथा व्यावसायिक वातावरण प्रवर्द्धनसम्बन्धी ऐनलाई संशोधन गर्न तयार गरिएको विधेयक दफावार छलफलसहित पारित गर्ने अर्को कार्यसूची पनि आजको छ ।