काठमाडौं । नेपाल प्रहरीले जवान, भान्छे, हजाम, कुचीकार र खेलाडी पदमा १९५० जनशक्ति माग गरेको छ । खुला प्रतिस्पर्धाबाट स्थायी पदपूर्ति गर्नेगरी प्रहरी प्रधान कार्यालयले यी पदमा कर्मचारी माग गरेको हो ।

प्रधान कार्यालयले सबैभन्दा धेरै प्रहरी जवानमा १८५६ जनशक्ति माग गरेको छ । त्यस्तै, भान्छेमा ५३, हजाममा ७, कुचीकारमा २० र खेलाडीमा १४ सिटका लागि आवेदन आह्वान गरिएको छ ।

आवेदन आगामी फागुन २ गतेदेखि चैत ९ गतेसम्म दिन सकिनेछ ।

त्यसैगरी, प्रहरी सहायक निरीक्षक (असई) पदका लागि यसअघि माग गरिएको संख्या थपसमेत गरेको छ । गत कात्तिक ३ गते असई पदका लागि मागिएको संख्यामा १०५ सिट थप गरिएको हो ।