काठमाडौं । त्रिकोणात्मक टी–२० क्रिकेटअन्तर्गत आज नेपालले नामिबियासँग प्रतिस्पर्धा गर्दैछ । लगातार दुई हार व्यहोरेको नेपाल जितको उद्देश्य बोकेर शुक्रबार नामिबियाविरुद्ध मैदानमा उत्रन लागेको हो ।

त्रिवि क्रिकेट मैदान, कीर्तिपुरमा अहिले बिहान ११ः३० बजे दुईबीच खेल हुने तय छ ।

नेपाल, नेदेरल्याण्ड्स र नामिबियाको त्रिकोणात्मक सिरिज जारी छ । जसमा नेपाल लगातार नेदरल्याण्ड्स र नामिबियासँग पराजित भएको छ ।नेपाल पहिलो खेलमा नामिबिया र दोस्रो खेलमा नेदरल्याण्ड्ससँग क्रमशः २० र २ रनले स्तब्ध बनेको हो ।

नेपालले आजको खेलमा पनि हारको श्रृंखला तोड्न नसकेमा फाइनल खेल्ने सम्भावना समाप्त हुनेछ । त्यसैले नेपाल आज जसरी पनि जित निकाल्नुपर्ने दबाबमा छ ।

आजको खेलमा जित निकालेमा नेपालले शनिबार नेदरल्याण्ड्ससँग प्रतिस्पर्धा गर्ने अवसर पाउनेछ ।

फाइनल खेल मंगलबार हुनेछ ।