काठमाडौं । बिवाह गरेको एक सातामै चिकित्सक पक्राउ परेका छन् । उनीमाथि बलात्कारको अभियोग लागेको छ ।

मेडिकेट अस्पताल, बुटवलमा चिकित्सक पुजन ज्ञवाली पक्राउ परेका हुन् । काठमाडौं प्रहरीले उनीविरुद्ध मुद्दा समेत दायर गरिसकेको छ । बिहे गर्ने आश्वासनमा आफुसँग पटक पटक शारिरीक सम्बन्ध राखेको र पछि धोका दिएर अर्काेसँग बिहे गरेको भन्दै पूर्वप्रेमिकाले विवाह गरेलगत्तै उनीविरुद्ध जाहेरी दिएकीहुन् ।

ज्ञवालीले गत २ फागुनमा विहे गरेका थिए । ११ फागुनमा उनी पक्राउ परेका हुन् । बुटवलस्थित प्रादेशिक अस्पतालमा कार्यरत रहँदा सहकर्मी चिकित्सकसँग उनी प्रेमसम्बन्धमा थिए । ती चिकित्सकलाई वेवास्था गरी अर्की युवतीसँग बिहे गरेपछि उनीविरुद्ध जाहेरी परेको थियो ।
एमडीको प्रवेश परीक्षाका लागि काठमाडौं आएका बेला काठमाडौं १६ बोहोराटारस्थित डेरामा बलात्कार गरेको अभियोगमा ज्ञवाली पक्राउ परेका हुन् । यद्यपी उनले बयानमा बलात्कार अभियोग अस्वीकार गरेका छन् । बिहेका लागि पटक–पटक दबाब दिएको र नमानेपछि उनले बलात्कार मुद्दामा उजुरी दिएको ज्ञवालीको दाबी छ । पीडित र पीडक दुवै जनाले बंगलादेशबाट एमबीबीएस गरेका हुन् ।