काठमाडौं । दुग्ध विकास संस्थान (डिडिसी) को महाप्रबन्धक चयनका लागि दरखास्त आह्वान भएको छ । खुला प्रतिस्पर्धाबाट महाप्रबन्धक चयन गर्ने गरी कृषि तथा पशुपन्छी विकास मन्त्रालयले प्रक्रिया अघि बढाएको हो ।

कृषि तथा पशुपन्छी विकास मन्त्रालयको महाप्रबन्धक सिफारिस समितिले मंगलबार एक सूचना जारी गर्दै योग्यता पुगेका नेपाली नागरिकलाई २१ दिनभित्र आवेदन दिन आह्वान गरेको छ ।

आवेदन ३० वर्ष पूरा भई ६० वर्ष ननाघेका, कृषि तथा पशुपन्छी विकास मन्त्रालय सम्बद्ध सार्वजनिक निकायका पदाधिकारीको नियुक्ति तथा मनोनयन सम्बन्धी निर्देशिका, २०७६ को दफा ३ को उपदफा (२) (ग) बमोजिमको शैक्षिक योग्यता हासिल गरी कुनै संस्था वा निकायमा अधिकृतस्तर, व्यवस्थापकको हैसियतले कम्तीमा १० वर्षको कार्य अनुभव हासिल गरेकाले दिनसक्ने सूचनामा उल्लेख छ ।