काठमाडौं । एसिसी प्रिमियर कप, २०२४ अन्तर्गत नेपालले आज युएईसँग प्रतिस्पर्धा गर्ने भएको छ । ओमानको अलअमरेत क्रिकेट मैदानमा नेपाली समयअनुसार बिहान ११ः४५ बजे खेल हुनेछ ।

आजको खेलमा जित निकालेर नेपाल आफ्नो जितको सिलसिला कायम राख्दै फाइनल यात्रा तय गर्न चाहन्छ । समूह ‘ए’मा रहेको नेपालले ४ वटै खेलमा जित निकालेर ८ अंक बटुलेको छ । समूह चरणमा नेपालले  मलेसियालाई ५ विकेट, कतारलाई ३२ रन, हङकङलाई ८ विकेट र साउदी अरेबियालाई ६ विकेटले हराएको थियो ।

युएई भने ४ खेलमा तीन जित र एक हारसहित ६ अंकका साथ दोस्रो स्थानमा छ । समूह चरणमा उसले कुवेतलाई ७ विकेट, बहराइनलाई ३७ रन र कम्बोडियालाई ९ विकेटले हराएको हो । ओमानसँग भने युएई ९ विकेटले पराजित भयो ।

नेपालको टोली

रोहित पौडेल (कप्तान), आसिफ शेख, कुशल भुर्तेल, कुशल मल्ल, विवेक यादव, सन्दीप जोरा, अनिल शाह, गुलशन झा, दीपेन्द्रसिंह ऐरी, ललित राजवंशी, करण केसी, सोमपाल कामी, प्रतिश जिसी र अभिनाश बोहरा ।

यूएईको टोली

मोहम्मद वासिम (कप्तान), आयन खान, एलिशान शराफु, अली नासिर, आसिफ खान, बासिल हामिद, जुनैद सिद्दिक, मोहम्मद फारुक, मोहम्मद हैदर शाह, ओमैद रहमान, राहुल भाटिया, राजा अकिफ, टानिश सुरी र विष्णु सुकुमारान ।