काठमाडौं । सहकारी सञ्चालकको सम्पत्ति बिक्री गरेर सहकारीपीडितको रकम फिर्ता गर्ने घोषणा सरकारले गरेको छ ।

आगामी आर्थिक वर्षको बजेट संसदमा प्रस्तुत गर्दै अर्थमन्त्री वर्षमान पुनले यस्तो घोषणा गरेका हुन् ।

‘सहकारी सञ्चालकको सम्पत्ति बिक्री गरेर भए पनि सहकारीमा रकम डुबेका नागरिकको रकम फिर्ता गरिनेछ,’ अर्थमन्त्री पुनले भने । तर त्यसरी फिर्ता गरिने रकम पाँच लाख रूपैयाँसम्मको हुने उनले बताए ।

पछिल्लो समय देशका विभिन्न सहकारीमा समस्या देखिएको छ । सहकारीका सञ्चालक रकम फिर्ता नगरी सम्पर्कविहीन भएपछि बचतकर्ता समस्यामा परेका छन् ।

सहकारीहरूमा समस्या देखिएकाले यसलाई नीति र नियम बनाएर त्यसका आधारमा सञ्चालन गरिने प्रतिबद्धता पनि उनले व्यक्त गरे ।