काठमाडौं । बचतकर्ताको रकम अपचलनको अभियोगमा ललितपुरस्थित लालीगुराँस बहुउद्देश्यीय सहकारी संस्थाका प्रमुख कार्यकारी अधिकृत सुरेन्द्र भण्डारी पक्राउ परेका छन् ।

उपत्यका अनुसन्धान कार्यालयबाट खटिएको प्रहरी टोलीले उनलाई शुक्रबार राति काठमाडौंको विशालनगरबाट पक्राउ गरेको हो ।

उपत्यका अनुसन्धान कार्यालयले भण्डारी पक्राउ परेको पुष्टि गर्दै उनीमाथि लागेको अभियोगबारे अनुसन्धान भइरहेको जनाएको छ ।

समस्याग्रस्त सहकारीको सूचीमा रहेको लालीगुराँसले सर्वसाधारण नागरिकको ६ अर्ब रकम अपचलन गरेको बताइन्छ ।