काठमाडौं । राष्ट्रिय सुरक्षा सल्लाहकाको पदबाट पूर्वमुख्यसचिव शंकरदास वैरागीले राजीनामा दिएका छन् । उनले साउन ९ गतेबाट लागू हुनेगरी राजीनामा दिएका हुन् ।

वैकुण्ठ अर्याललाई मुख्यसचिव बनाउनका लागि समय बाँकी हुँदै बैरागीलाई नयाँ पद खडा गरेर व्यवस्थापन गरिएको थियो । हाल वैरागीलाई अख्तियार दुरुपयोग अनुसन्धान आयोगले भ्रष्टाचार अभियोगमा मुद्दा दायर गरेसँगै उनी निलम्बनमा छन् । मन्त्री सरहको सेवा सुविधा दिनेगरी राष्ट्रिय सुरक्षा सल्लाहकार बनाइएका बैरागी त्यतिबेला निकै आलोचित भएका थिए । मुख्यसचिव नियुक्तिमा विधिलाई भत्काउन पुलको काम गर्नेमा उनको नाम सधैं अग्रपंक्तिमा आउँछ ।