कांग्रेस केन्द्रीय समिति बैठक बस्दै, होला महामन्त्रीद्वयको प्रस्ताव पारित ?

काठमाडौं । कांग्रेस केन्द्रीय समितिको बैठक आज बस्दै छ । महामन्त्रीद्वय गगन थापा र विश्वप्रकाश शर्माद्वारा प्रस्तुत प्रतिवेदनका कारण ७ भदौमा स्थगित बैठक आज बस्न लागेको हो ।
कांग्रेस केन्द्रीय कार्यालयले आइतबार दिउँसो ३ बजे केन्द्रीय समिति बैठक बस्न लागेको जानकारी दिँदै महामन्त्रीद्वयका प्रस्तावउपर आज छलफल हुने जनाएको छ ।
थापाले कांग्रेस केन्द्रीय समिति बैठकमा आगामी निर्वाचन कुनै पनि दलसँग गठबन्धन नगरी पार्टीले एक्लै लड्नुपर्ने प्रस्ताव गरेका छन् । शर्माले चाहिँ पार्टी नेतृत्वको कार्यकाल, प्रधानमन्त्री हुने अवधिलगायत प्रस्ताव पेश गरेका छन् ।
कांग्रेस नेताहरूका अनुसार, महामन्त्रीका प्रस्तावमा केही संशोधन गरेर त्यसलाई पारित गर्ने तयारी गरिएको छ ।
महामन्त्रीले उठान गरेका विषयमाथि शीर्ष तहमा सहमति जुट्न बाँकी रहेकाले केन्द्रीय समिति बैठकअघि आजै १ बजे पार्टीका वर्तमान र पूर्व पदाधिकारी बैठक बोलाइएको छ ।
ताजा अपडेट
-
अदालतको आदेशलगत्तै रवि पक्राउ, भैरहवा लगियो
-
विशेष अदालतको फैसलामाथि अख्तियारले दियो सर्वोच्चमा पुनरावेदन
-
भारतीय प्रधानमन्त्रीसँग राम्रो कुराकानी भयो : प्रधानमन्त्री ओली
-
घुस लिएको आरोपमा मालपोत कार्यालय जलेश्वरका नायब सुब्बासहित ३ जनामाथि आरोपपत्र दायर
-
नेपाल लाइफ ‘बेस्ट लाइफ इन्स्योरेन्स’ अवार्डबाट सम्मानित
प्रतिक्रिया