काठमाडौं । भुमि व्यवस्था सहकारी तथा गरिबी निवारणमन्त्री बलराम अधिकारीले सहकारीप्रती गलत सन्देश प्रवाह भएको बताएका छन् ।

बुधबार काठमाडौंमा नेपाल सहकारी पत्रकार समाजले आयोजना गरेको ‘सिजेन इस्मारिका बिमोचन सम्मान तथा पुरुस्कार वितरण’ कार्यक्रममा उनले सो बताएका हुन् ।

मन्त्री अधिकारीले देशको चौधौं अंगको रूपमा रहेको सञ्चार माध्यमबाट सहि सत्य सूचना प्रवाह हुनुपर्नेमा जोड दिए । मन्त्री अधिकारीले भने, ‘पत्रकारिता राज्यको चौथो अंग भएपनि प्रभावकारितको हिसाबले पहिलो अंग मान्नुपर्ने हुन्छ । सञ्चारमाध्यमले अहिलेको प्राविधिसंग जोडिएर सहि सन्देश दिनुपर्छ । ’

त्यसैगरी, मन्त्री अधिकारीले संचारमाध्यमले प्रष्ट नभएका र वास्तविक नभएको कुरा प्रष्ट नभई सार्वजनिक गर्न नहुने बताए । संचार माध्यमले जनतालाई सचेत गर्नुपर्ने, गलत व्याख्य गरेर भ्रम फैलाउन नहुने उनको तर्क थियो ।