काठमाडाैं । मंगलबार नेपाल स्टक एक्सचेञ्ज (नेप्से) परिसूचकमा  ११ अंकको गिरावट देखिएको छ । नेपाल स्टक एक्सचेञ्ज (नेप्से) का अनुसार आज नेप्से ११.२४ अंकले घटेर २७४८.९६ विन्दुमा झरेको छ ।

मंगलबार ३१२ कम्पनीको ८२ हजार ५७० पटकको कारोबारमा एक करोड ६७ लाख ८६ हजार ९३४ कित्ता सेयर खरिदबिक्री हुँदा ७ अर्ब ८५ करोड ९७ लाख ४० हजार रूपैयाँको कारोबार भएको छ ।

आज  कारोबारमा आएका १३ उपसमूहमध्ये तीन उपसमूह बढेको छ भने बाँकी घटेका छन् । वित्त, निर्जीवन बीमा कम्पनी र व्यापार क्रमश : १.१२, ०.१३ र ०.३५ प्रतिशतले बढेको छ ।

आज गुरास लघुवित्त, मेन्छ्योम हाइड्रोपावर, बेस्ट फाइनान्सको सेयरमा सकारात्मक सर्किट लागेको छ ।

कारोबार रकमको आधारमा गुडविल फाइनान्स लिमिटेडको सर्वाधिक २९ करोड २८ लाख ६१ हजार रूपैयाँको कारोबार भएको छ । दोस्रोमा बेस्ट फाइनान्स कम्पनीको २९ करोड २५ लाख ६९ हजार चार सय रूपैयाँको कारोबार भएको छ ।