काठमाडौं (एजेन्सी) । युद्धरत इजरायल र लेबनान युद्धविराम गर्न सहमत भएका छन् ।

सुरुमा लेबनानले इजरायलसँग युद्धविराम गर्न प्रस्ताव गरेको थियो । इजरायलको सुरक्षा क्याबिनेटले उक्त प्रस्ताव स्वीकार गरेसँगै दुईबीच युद्धविराम हुने भएको हो ।

इजरायलले हिजबुल्लाहलाई लक्षित गर्दै आक्रमण गरेपछि केही समययता दुई देशबीच युद्ध जारी थियो । दुई देशबीच भएको युद्धविरामको सहमति छिट्टै कार्यान्वयनमा जाने विश्वास गरिएको छ ।

दुई देशबीच भएको युद्धविराम सहमतिमा इजरायली सेना दक्षिणी लेबनानबाट फिर्ता हुने र हिजबुल्लाले पनि लितानी नदीको दक्षिणी सीमाबाट आफ्ना सशस्त्र समूह फिर्ता गर्ने उल्लेख छ ।

दुई देशबीच भएको युद्धविराम सहमतिको अन्तर्राष्ट्रिय समुदायले स्वागत गरेको छ । संयुक्त राष्ट्रसंघका महासचिव एन्टिरियो गुटरेसले युद्धविराम सहमतिलाई इमानदारिताका साथ कार्यान्वयन गर्न दुवै पक्षलाई आह्वान गरेका छन् ।