रामहरि खतिवडालाई समय सकिएपछि पनि बोल्न दिएपछि संसद अवरोध

रास्वपा लुम्बिनी प्रदेश सभापतिमा शालिकराम घिमिरे निर्वाचित

रामहरि खतिवडालाई समय सकिएपछि पनि बोल्न दिएपछि संसद अवरोध

नेपालवाच २०८१ माघ २९ गते १४:५२

काठमाडौं । नेपाली कांग्रेसका सांसद रामहरि खतिवडालाई आकस्मिक र शून्य समय सकिएपछि पनि बोल्न दिएपछि प्रतिपक्षले विरोध गरेको छ ।

प्रतिपक्ष माओवादी केन्द्र र रास्वपाले खतिवडालाई कुन प्रक्रिया अनुसार बोल्न दिइयो भनेर प्रश्न गरेपछि बैठक अवरुद्ध भयो । सांसदहरुले बैठक अवरुद्ध गरेपछि सभामुख देवराज घिमिरेले १५ मिनेटका लागि बैठक स्थगित गरेका छन् ।

यसबारे स्पष्टिकरण दिँदै सभामुख घिमिरेले यस्तो अवस्थामा के गर्नुपर्छ भन्ने विषयमा अध्ययन गर्न सचिवालयलाई आदेश दिइसकेको बताए । सचिवालयले धारणा दिइसकेपछि अगाडि बढ्न सकिने आश्वासन दिएपनि प्रतिपक्षले विरोध गरेपछि बैठक स्थगित भएको हो ।