काठमाडौं । हमासले बन्धकहरूको रिहाइ गरेपछि इजरायलले त्यसको बदलामा प्यालेस्टाइनी कैदीहरू रिहा गर्न थालेको छ। इजरायलले वेस्ट बैंकमा रहेका बन्धकहरूको रिहा थालेको हो ।

बिबिसीले वेस्ट बैंकबाट रिहा भएका प्यालेस्टाइनी कैदीहरूको तस्बिर सार्वजनिक भइरहेको जनाएको छ। उनीहरूको पर्खाइमा मानिसहरूको भीड लागेको देखिन्छ।

यद्यपि, बीबीसीले यी कैदीहरू को हुन् वा उनीहरूलाई कुन अपराधको सजायको रूपमा जेलमा राखिएको थियो भन्ने कुराको पुष्टि गर्न सकेको छैन।

अहिलेसम्म कति प्यालेस्टाइनी कैदीहरू रिहा भए भन्ने पनि थाहा हुन सकेको छैन।

यी कैदीहरूलाई रिहा गरिसकेपछि वेस्ट बैंकको रामल्लाह सांस्कृतिक प्लेसमा लगिएको थियो। जहाँ प्यालेस्टाइनीहरूको ठूलो समूह उनीहरूको पर्खाइमा थियो।

त्यहाँ उपस्थित मानिसहरूले रिहा भएका केही कैदीहरूलाई काँधमा बोकेको देखिन्थ्यो।

इजरायलले आज रातिसम्म ६२५ कैदी र बन्दीहरूलाई रिहा गर्ने अपेक्षा गरिएको छ।

स्थानीय मिडियाले रेडक्रमसले सञ्चाल गरेका बसहरूमा कैदीहरूलाई ल्याइएको जनाएको छ ।

यसैबीच, इजरायलले ६०० प्यालेस्टिनी कैदीहरूलाई रिहा गर्न सुरु गरेलगत्तै हमासले पनि चार बन्धकको शव फिर्ता गरेको छ।

इजरायल र हमासबीच भएको सम्झौताको पहिलो चरणअन्तर्गत बन्धक र कैदीहरूको यो अन्तिम आदानप्रदान थियो।

हमासले बुझाएको चार बन्धकको शवको पहिचान हुन सकेको छैन।

तर हमासले उनीहरूको नाम सार्वजनिक गरेको छ । हमासका अनुसार ती शव ८६ वर्षीय सोलोमो मन्सुर, ५० वर्षीय ओहाद याहालोमी, ५० वर्षीय साची इदान र ६९ वर्षीय इत्जिक अलगको हो ।

उनीहरुलाई सन् २०२३ अक्टोबर ७ मा हमासको आक्रमणका क्रममा बन्धक बनाइएको थियो । जरायलका प्रधानमन्त्री बेन्जामिन नेतन्याहुले बन्धकको शव फिर्ता भएको पुष्टि गरेका छन् ।