काठमाडौं । रङहरूको पर्वका रूपमा लिइने फागु पूर्णिमा आज देशका पहाडी जिल्लाहरूमा मनाइँदैछ ।

असत्यमाथि सत्यको जितको रूपमा हरेक वर्ष फागु शुक्ल पूर्णिमाका दिन होली पर्व मनाइने गरिन्छ ।

यद्यपि, होली पहाड र मधेसमा एक दिन अघिपछि गरेर मनाउने परम्परा छ । पहाडमा आज होली मनाइँदैछ भने तराईमा भोलि मनाइने छ ।

आफन्त, साथीभाइ भेला भएर विभिन्न रङहरू दलेर होली मनाउने परम्परा छ ।

काठमाडौंको वसन्तपुर, बानेश्वर, ठमेललगायत क्षेत्रमा सांगीतिकलगायत कार्यक्रम गरेर होली मनाइन्छ । यस वर्ष पनि उपत्यकाका विभिन्न स्थानमा होली मनाउने कार्यक्रम राखिएको छ ।

होलीका अवसरमा सरकारले आज देशका पहाडी क्षेत्रमा सार्वजनिक बिदा दिएको छ । तराईमा भने भोलि सार्वजनिक बिदा हुनेछ ।