काठमाडौं । अख्तियार दुरुपयोग अनुसन्धान आयोगले तत्कालीन प्रमुख प्रशासकीय अधिकृत देवराज चौलागाई, इन्जिनियर अमित कुमार ठाकुरलाई सफाइ दिने विशेष अदालतको फैसलाविरुद्ध सर्वोच्च अदालतमा पुनरावेदन गरेकाे छ ।

आयोगले विशेषको फैसला चित्त नबुझेको भन्दै उनीहरूलाई भ्रष्टाचार निवारण ऐन अनुसार सजायको माग गर्दै सर्वोच्चमा पुनरावेदन गरेको हो ।

आयोगले आव २०७६/०७७ मा मकवानपुरको मनहरी गाउँपालिका वडा नं ६ स्थित लोथर-हाङ्गलाङ्ग-फरीवाङ्ग-पाङ्गथली सडक स्तरोन्नति गर्ने कार्यमा भएको काम भन्दा बढी रकम भुक्तानी गरेको भन्दै भ्रष्टाचार निवारण ऐन,२०५९ को दफा ८ बमोजिम सजाय माग गर्दै विशेष अदालत काठमाडौंमा आरोपपत्र दायर गरेको थियो ।