काठमाडौं । नेपाल प्रहरीले विभिन्न आपराधिक घटनामा संलग्न रही फरार दुर्गा प्रसाईं हालसम्म पक्राउ नपरेको स्पष्ट पारेको छ । खोजीको सूचीमा रहेका उनको खोजी कार्य भने जारी रहेको प्रहरीको भनाइ छ ।

प्रहरीको विभिन्न स्रोतलाई उद्धृत गर्दै बिहीबार राति प्रसाईं भारतमा पक्राउ परेको समाचार सञ्चारमाध्यमले प्रकाशन/ प्रसारण गरेका थिए । लगत्तै प्रहरीले उक्त समाचारको खण्डन गरेको हो ।

नेपाल प्रहरीका प्रवक्ता प्रहरी नायब महानिरीक्षक दिनेशकुमार आचार्यले प्रसाईंको खोजी जारी रहे पनि हालसम्म पक्राउ नपरेको बताए । उनले प्रसाईं पक्राउ परेको भनेर भ्रामक समाचार प्रकाशन, प्रसारण नगर्न पनि सबैमा आग्रह गरे ।