काठमाडौं । काठमाडौंको मखनमा आगलागी भएको छ । आगलागीमा परी एक महिलाको ज्यान गएको छ ।

सुरज आर्केड पछाडि रहेको दयाराम श्रेष्ठको घरमा बुधबार बिहान आगलागी भएको हो । आगो छिमेकको अर्को घरमा समेत फैलिएको छ ।

आगलागीमा एक महिलाको ज्यान गए पनि उनको सनाखत हुन बाँकी रहेको प्रहरीले जनाएको छ ।

दमकल प्रयोग गरेर अहिले आगो नियन्त्रणको प्रयास भइरहेको छ । त्यसका लागि नेपाली सेना, नेपाल प्रहरी, महानगर प्रहरीलगायत परिचालन गरिएको छ ।

आगलागीको कारण खुलेको छैन ।

दमकल पस्न नसक्ने काठमाडौंका साँघुरा गल्ली रहेका बस्तीहरूमा आगलागी हुँदा ठूलो धनजनको क्षति हुने सम्भावना छ । आगलागीको जोखिममा काठमाडौंका कतिपय वस्ती रहे पनि यसतर्फ ध्यान दिएको पाइँदैन ।