आज नेपाल स्टक एक्सचेञ्ज (नेप्से) परिसूचकमा दोहोरो अंकको गिरावट देखिएको छ। नेप्से परिसूचक ११ दशमलव ९७ अंकले घटेर २,६४६ दशमलव ९५ विन्दुमा कायम भएको हो।

आज ३१३ कम्पनीका १ करोड ३७ लाख ८२ हजार ४ सय ६८ कित्ता शेयर ५९ हजार १ सय ३० पटक खरिद बिक्री हुँदा कुल रु ५ अर्ब १६ करोड ३३ लाख ३४ हजार ५ सय २२ बराबरको कारोबार भएको छ।

आजको कारोबारमा म्युचुअल फन्ड र व्यापार समूहको उपसूचक मात्र बढेको छ भने अरु सबै समूहको उपसूचक घटेको छ। ओम मेगाश्री फर्मास्युटिकल्स लिमिटेड र प्युअर इनर्जी लिमिटेडको शेयर मूल्यमा सकारात्मक सर्किट लागेको छ।

सबैभन्दा धेरै घट्नेमा कर्पोरेट डेभलपमेन्ट बैंक लिमिटेडको शेयर मूल्य ५ दशमलव ८१ प्रतिशतले घटेको छ।

कारोबार रकम र कारोबार भएका शेयर संख्याका आधारमा आज सबैभन्दा धेरै अरुण काबेली पावर लिमिटेडको रु ३६ करोड २५ लाख ५९ हजार बराबरको १३ लाख ४५ हजार ४ सय २६ कित्ता शेयर किनबेच भएको छ।