काठमाडौं । अख्तियार दुरुपयोग अनुसन्धान आयोगले केपी ओली नेतृत्वको सरकारका तत्कालीन एक मन्त्री, एक पूर्वमन्त्रीसहित अन्य ५ जना विरुद्ध मुद्दा दायर गरेको छ ।

गत असारमा सार्वजनिक भएको घुस प्रकरणमा मुछिएका तत्कालीन सामान्य प्रशासन मन्त्री राजकुमार गुप्ता  र पूर्व मन्त्री रञ्जिता श्रेष्ठविरुद्धसहित अन्य ५ जनाविरुद्ध मुद्दा दायर भएको हो । तत्कालीन मन्त्री गुप्ताको ५३ लाख रुपैयाँ घुस लिएको अडियो सार्वजनिक भएको थियो । कर्मचारी खटनपाटनको मुख्य जिम्मेवारी पाएको मन्त्रालयको नेतृत्वमा रहेर उनले कास्कीस्थित मालपोत कार्यालय प्रमुखको सरुवा गरिदिन र अनुकुलको व्यक्ति व्यवस्थापन गर्ने सर्तमा उक्त रकम लिएको खुलेको थियो । अडियो नै सार्वजनिक भएपछि उनले राजीनामा दिए ।

यही प्रकरणमा तत्कालीन भूमि व्यवस्था, सहकारी तथा गरिबी निवारण मन्त्री बलराम अधिकारी र त्यसअघिका मन्त्री रञ्जिता श्रेष्ठले पनि रकम लिएको अनुसन्धानको क्रममा खुलेको छ । अधिकारीलाई भने आयोगले छुट्टै अनुसन्धान गर्ने निर्णय गरेको छ ।

आयोगले आज उनीहरुविरुद्ध विशेष अदालतमा मुद्दा दायर गरेको हो । आरोपत्रअनुसार अनुसार गुप्तालाई ७८ लाख विगो मागदाबी गरिएको छ ।

मुद्दा सम्बन्धी विस्तृत विवरण केही बेरमा ।

नोटः यसअघि तत्कालीन मन्त्री बलराम अधिकारीविरुद्ध पनि मुद्दा दायर गरिएको भनिएकोमा हामी क्षमाप्राथी छौं ।