काठमाडौं । सुनको भाउ प्रतितोला २ लाख ८२ हजार रूपैयाँ पुुगेको छ । यो सुनमा आएको अहिलेसम्मको उच्च मूल्य हो ।

नेपाल सुनचाँदी व्यवसायी संघले मंगलबारका लागि सुनको मूल्य प्रतितोला २ लाख ८२ हजार कायम गरिएको जनाएको छ । मंगलबार सुन २ लाख ७७ हजार ८०० रूपैयाँमा कारोबार भएको थियो ।

केही समय उच्चबिन्दुमा पुुगेर मुुर्झाएको सुनको भाउ केही दिनयता पुनः बढ्न थालेको छ । गत मंगलबार सुनको मूल्य प्रतितोला २ लाख ७८ हजार रूपैयाँ कामम भएको थियो ।

त्यस्तै, चाँदीको भाउले पनि नयाँ कीर्तिमान बनाएको छ । अघिल्लो दिन प्रतितोला ५ हजार ६२५ रुपैयाँमा कारोबार भएको चाँदीको मूल्य मंगलबार १८५ रुपैयाँले बढेर ५ हजार ८१० रूपैयाँ कायम भएको छ ।