काठमाडौं । सुदूरपश्चिम प्रदेशको पर्यटकीय स्थल खप्तडमा हिमपात परेको छ । याे क्षेत्रमा मंगलबारदेखि हिउँदे वर्षा भएसँगै हिमपात भएकाे हो ।

खप्तड होमस्टे, झिग्राना, डोटीका सञ्चालक दीपकबहादुर खड्काका अनुसार खप्तड क्षेत्र आसपासमा बिहानैदेखि हिमपात भइरहेको छ ।

हिमपातसँगै खप्तड क्षेत्र दर्शनीय देखिएको छ । हिउँका पारखीहरू यसकाे आनन्द लिन खप्तड पुगेका छन् ।

स्थानीय पर्यटन व्यवसायीका अनुसार हिउँ परेसँगै आन्तरिक पर्यटककाे आवागमनले गतिविधि बढेकाे छ ।

बझाङ, बाजुरा, अछाम र डोटीको संगम भूमि खप्तड पर्यटकीय आकर्षणकाे केन्द्र मानिन्छ ।

मौसमविद्हरूका अनुसार माैसमी प्रणालीका कारण नेपालका उच्च पहाडी तथा हिमाली क्षेत्रमा अहिले वर्षा र हिमपात भइरहेको छ । यसको प्रभाव अझै केही दिन पर्ने उनीहरूको भनाइ छ । चिसो बढेसँगै मौसमविद् र चिकित्सकहरूले सतर्कता अपनाउन सर्वसाधारणलाई अनुरोध गरेका छन् ।

तस्बिर सौजन्य : दीपकबहादुर खड्का