३३ किलो सुन काण्ड : उच्च अदालतले अधिकांश अभियुक्तको सजाय घटायो

प्याब्सनलगायत निजी विद्यालय संस्थाहरूको पहलपछि ३ प्रतिशत समता शिक्षा शुल्क फिर्ता

३३ किलो सुन काण्ड : उच्च अदालतले अधिकांश अभियुक्तको सजाय घटायो

नेपालवाच २०८२ माघ २६ गते १७:०८

काठमाडौं । ३३ किलो सुन तस्करी तथा सनम शाक्य हत्या प्रकरणमा उच्च अदालत विराटनगरले जिल्ला अदालतको फैसला आंशिक रूपमा संशोधन गरेको छ।

न्यायाधीश महेन्द्र उपाध्याय र प्रकाशचन्द्र अधिकारीको संयुक्त इजलासले चूडामणी उप्रेती ‘गोरे’, नरेन्द्र कार्की, मोहन काफ्ले र भोजराज भण्डारीलाई जन्मकैद सुनाइएको जिल्ला अदालतको फैसला उल्ट्याउँदै १०–१० वर्ष कैद सजाय मात्र कायम गरेको हो।

तर, लाक्पा शेर्पा र भविन तामाङको हकमा भने जिल्ला अदालतको फैसला यथावत् राखिएको उच्च अदालत विराटनगरका सूचना अधिकारी सन्तोष पोखरेलले जानकारी दिएका छन्।