रामेछाप बस दुर्घटना अपडेट : मृत्यु हुनेको संख्या ९ पुग्यो

नेपालवाच २०८२ माघ २७ गते १५:५८

काठमाडौं । रामेछाप सदरमुकाम मन्थलीनजिक भएको बस दुर्घटनामा मृत्यु हुनेको संख्या ९ पुगेको छ ।

सो दुर्घटनामा बसका चालक सहित ८ जना घाइते भएको रामेछापका प्रहरी नायब उपरीक्षक भोला भट्टले जानकारी दिए ।

काठमाडौँबाट ओखलढुङ्गा जाँदै गरेको अरनिको यातायातको प्रदेश ०१–०१–००५ ख. ९९७५ नम्बरको बस रामेछाप मन्थली नगरपालिका–६, मसानटारस्थित सडकबाट करिब ५० मिटर तल तामाकोशी नदीमा खसेको हो ।

रामेछापका प्रहरी नायब उपरीक्षक भट्टका अनुसार नदीमा डुबेको बसबाट यात्रुको उद्धार गरी उपचारका लागि विभिन्न अस्पताल लगिएको छ ।