काठमाडौं । गण्डकीका पूर्वसांसद राजीव गुरुङ उर्फ दिपक मनाङे रिहा भएका छन् । ज्यान मार्ने उद्योगमा जेल परेका उनी सजाय भुक्तान गरेर बुधबार छुटेका हुन् ।

डिल्लीबजार कारागार प्रशासनका अनुसार मनाङ केही बेरअघि आवश्यक प्रक्रिया पूरा गरी छुटेका छन् ।

गुन्डा नाइके चक्रे मिलनलाई २०६१ वैशाखमा महाराजगञ्जमा खुकुरी प्रहार गरेको अभियोगमा उनीमाथि ५ वर्षको जेल सजाइ सुनाइएको थियो । बाँकी रहेको सजाय भुक्तान गरी उनी जेलबाट निस्किएका हुन् ।

२०७९ सालको प्रदेश सभा निर्वाचनमा मनाङ जिल्ला, प्रतिनिधि सभा क्षेत्र नम्बर १ को प्रदेश सभा निर्वाचन क्षेत्र नं २ बाट स्वतन्त्र उम्मेदवार बनेका मनाङे निर्विरोध निर्वाचित भएका थिए ।