काठमाडौँ । आगामी आर्थिक वर्ष २०८३-८४ को पूर्ण बजेटकालीन आर्थिक तथा वित्तीय अवस्थासम्बन्धी समीक्षा प्रतिवेदन अर्थमन्त्री डा. स्वर्णिम वाग्लेसमक्ष पेश गरिएको छ।

सोमबार अर्थमन्त्री डा. वाग्लेलाई नेपाल राष्ट्र बैंकका गभर्नर डा. विश्व पौडेलले उक्त प्रतिवेदन औपचारिक रूपमा बुझाएका हुन्।

नेपाल राष्ट्र बैंकका अनुसार बैंकले नेपाल सरकारको वार्षिक बजेट निर्माण प्रक्रियालाई सहयोग पुर्‍याउने उद्देश्यसहित मुलुकको समग्र आर्थिक तथा वित्तीय अवस्था सम्बन्धी विश्लेषण समेटिएको प्रतिवेदन तयार गरी सरकारलाई उपलब्ध गराएको हो।

नेपाल राष्ट्र बैंक ऐन, २०५८ को दफा ५ तथा दफा ६९ को उपदफा (४) अनुसार देशको आर्थिक तथा वित्तीय अवस्थाबारे वार्षिक प्रतिवेदन सरकारलाई बुझाउने व्यवस्था रहेको छ।

सोही कानुनी प्रावधानअनुसार आगामी बजेट तर्जुमाका लागि आवश्यक आधारका रूपमा प्रतिवेदन प्रस्तुत गरिएको जनाइएको छ।