कार्यालयका प्रवक्ता तथा प्रहरी उपरीक्षक नरेशराज सुवेदीका अनुसार कारबाहीमा पर्नेहरूमा मादक पदार्थ सेवन गरी सवारी चलाउने ९९ जना रहेका छन्। यसैगरी, तीव्र गतिमा सवारी चलाउने १ सय १५, सीसी क्यामराको निगरानीमा नियम तोड्ने ४० र ट्राफिक लाइटको रातो बत्तीमा सवारी चलाउने ३७ जनालाई कारबाही गरिएको छ।

त्यस्तै, हर्न बजाएर सवारी चलाउने नौ, लेन अनुशासन पालना नगर्ने दुई र ‘वान वे’ मा सवारी चलाउने सात जना कारबाहीमा परेका छन्। अन्य ट्राफिक कसुरमा १ सय ६१ सवारीसाधन कारबाहीमा परेको प्रहरीले जनाएको छ। ट्राफिक प्रहरीले चाडपर्वको अवसरमा सवारी नियम पालना गराउन विशेष निगरानी र कारबाही अभियान सञ्चालन गर्दै आएको छ।