काठमाडौँ– जनकपुर बोल्ट्सले कर्णाली याक्सविरुद्ध जितका लागि १३३ रनको लक्ष्य पाएको छ।

नेपाल प्रिमियर लिग तेस्रो संस्करणको तेस्रो खेलमा टस हारेर पहिले ब्याटिङ गरेको कर्णालीले २० ओभरमा ९ विकेट गुमाउँदै १३२ रनमा समेटिएको हो।

कर्णालीका लागि नन्दन यादव १२ बलमा ९ रन, पवन सर्राफ ३७ बलमा ३७ रन, सोमपाल कामी ५ बलमा १ रन बनाएर आउट भए। त्यसैगरी गुल्सन झा ९ बलमा १२ रन, अकबर अली २ बलमा १ रन, अरिफुल इस्लाम २९ बलमा ४३ रन, हुसेन तलात १३ बलमा ३ रन, दीपक डुम्रे ५ बलमा १३ रन र ओपनर मार्क वाट १ रनमै आउट भए।

बलिङतर्फ जनकपुरका कप्तान हरमित सिंहले ४ ओभरमा १ मेडनसहित २२ रन दिएर ३ विकेट लिए भने मोइन अली र राहुल यादवले समान २ विकेट झारे। ललित राजवंशीले पनि १ विकेट लिए। ३ ओभर बलिङ गरेका उनले ३८ रन खर्चिए। जेम्स निशम, आदित्य महता र अभिशेख तिवारीले भने विकेट लिन सकेनन्।

कर्णालीले ११ अतिरिक्त रन पाएको थियो। जनकपुरले केही बेरमा जवाफी ब्याटिङ गर्नेछ।