काठमाडौं । कांग्रेसका महामन्त्री गगन थापाले राष्ट्रपतिमा एमालेको उम्मेदवारलाई हराउने दाबी गरेका छन् । बुधबार काठमाडौंमा आयोजित एक कार्यक्रममा उनले एमालेको उम्मेदवार भए ‘सम्माननीय कठपुतली राष्ट्रपति’ हुने जिकिर गरे ।

‘एमाले नेतृत्वले कार्यकर्तालाई राष्ट्रपति बनायो भने ‘सम्माननीय कठपुतली राष्ट्रपति’ भने हुन्छ । त्यसले विस्तारै समानान्तर शक्तिको अभ्यास गर्छ,’ थापाले टिप्पणी गरे ।

हिजोको राष्ट्रपतिका कारण फेरि एमाले उम्मेदवारलाई राष्ट्रपति बनाए संविधान दुर्घटनामा पर्छ कि भन्ने डर रहेको उनले बताए ।

थापाले राष्ट्रपतिप्रति आँखा नलगाउन एमाले अध्यक्ष केपी आग्रह गरे । ओलीजी राष्ट्रपतिमा आँखा लाउलास् भन्नुहुन्छ’, ओलीप्रति लक्षित गर्दै थापाले भने, ‘आँखै लाउँछौं । भोटै माग्छौं, हामीले भनेको राष्ट्रपतिको उम्मेदवारलाई जिताउँछौं ।’