बंगलादेशको रोहिंग्या शरणार्थी शिविरमा भीषण आगलागी, १२ हजार प्रभावित
काठमाडौं । बंगलादेशको दक्षिणपूर्व क्षेत्रमा रहेको रोहिंग्या शरणार्थी शिविरमा भीषण आगलागी हुँदा हजारौं मानिसले आफ्नो छाना गुमाएका छन् ।
आइतबारदेखि सुरु आगलागीमा छिमेकी म्यानमारको हिंसाबाट भागेका करिब १२ हजार मानिस प्रभावित भएको अनुमान गरिएको छ ।
स्थानीय समय अनुसार आइतबार दिउँसो ३ः४५ बजेतिर लागेको आगोले बाँसबाट आश्रयस्थललाई एकै छिनमा ध्वस्त पारेको थियो ।
कारण नखुलेको यो घटनामा मानवीय क्षति भने भएको छैन ।
बंगलादेशका शरणार्थी आयुक्त मिजानुर रहमानले एएफपी समाचार एजेन्सीलाई करिब २ हजार टहरा जलेको र यसबाट १२ हजार मानिसको आश्रयस्थल गुमेको जनाएका छन् ।
करिब तीन घण्टा लागेको आगोबाट कम्तीमा ३५ मस्जिद र शरणार्थीका लागि बनेका करिब २१ वटा लर्निङ सेन्टर जलेका छन् ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया