काठमाडौं । निजामती कर्मचारी अस्पतालले, डाक्टर, नर्सलगायत विभिन्न प्राविधिक पदमा स्थायी पदपूर्ति गर्न विज्ञापन आह्वान गरेको छ ।

खुला, समावेशी प्रतियोगिताद्वारा पदपूर्ति गर्ने गरी विज्ञापन प्रकाशित गरेको अस्पतालले योग्यता पुगेका इच्छुक व्यक्तिलाई आवेदन दिन भनेको छ ।
आवेदन माग गरिएका पदहरूमा विभिन्न सेवाका सिनियर रजिस्ट्रार, वरिष्ठ रेडियोग्राफी टेक्नालोजिस्ट, नर्स, नर्सिङ सुपरभाइजर, फर्मासिस्टलगायत छन् ।

सबैभन्दा धेरै जनशक्ति पाँचौं तहको स्टाफ नर्स पदमा ५६ जना मागिएको छ ।

आवेदन अनलाइनमार्फत आगामी चैत २० गतेसम्म दिन सकिनेछ । दोब्बर दस्तुर तिरेर भने चैत २७ गतेसम्म आवेदन दिन सकिने अस्पतालले जनाएको छ ।

हेर्नुहोस् सूचना