काठमाडौं । भारतीय आयल कर्पोरेसन (आईओसी) ले नेपाल आयल निगमलाई नयाँ मूल्य सूची पठाएको छ । प्राप्त नयाँ मूल्यअनुसार भारतले नयाँ मूल्यसूचीअनासर पेट्रोलको मूल्य प्रतिलिटर ८६ पैसा पैसा घटाएर पठाएको छ ।

निगमका अनुसार आईओसीले डिजेलको मूल्य १ रूपैयाँ ७४ पैसा घटाएर पठाएको छ ।

आईओसीले नयाँ मूल्यसूची पठाएपनि निगमले मूल्य समयोजनबारे केही निर्णय गरेको छैन ।

फागुनमै अर्बभन्दा बढी नाफा, तर इन्धनको मूल्य घटेन

यसभन्दा अघि (फागुन १७) मा पनि भारतले  पेट्रोलको मूल्य प्रतिलिटर १ रुपैयाँ २१ पैसा घटाएर पठाएको थियो भने डिजेलको मूल्य ५ रूपैयाँ ५ पैसा घटाएर पठाएको थियो । त्यतिबेला पनि निमगले मूल्य समायोजन गरेको थिएन ।

हाल बजारमा पेट्रोल प्रति लिटर १७८ रुपैयाँ र डिजेल तथा मट्टीतेल प्रतिलिटर १७५ रूपैयाँमा  रहेको छ ।