यश चोपडाकी पत्नी पामेलाको निधन

नेपालवाच २०८० वैशाख ७ गते १२:४७

एजेन्सी । भारतीय फिल्म निर्माता तथा निर्देशक दिवंगत यश चोपडाकी पत्नीको निधन भएको छ ।

८५ वर्षिया पामेला चोपडाको बुधबार राति निधन भएको हो ।

उनलाई १५ दिनदेखि मुम्बइस्थित लीलावती अस्पतालमा भर्ना गरिएको थियो । स्वास्थ्य अवस्था बिग्रिदैं गएपछि उनको भेन्टिलेटरमा राखेर उपचार भइरहेको थियो ।

पछिल्लो समय उनी नेटफ्लिक्समा रिलिज गरिएको डकुमेन्ट्रि ‘द रोम्यान्टिक्स’ मा देखिएकी थिइन् । प्लेब्याक सिंगर, लेखिका र निर्माता रहेकी उनी निर्देशक तथा निर्माता आदित्य चोपडा र अभिनेता उदय चोपडाकी आमासमेत हुन् ।