काठमाडौं । निर्वाचन आयोगले निर्वाचन आचारसंहिताविपरीत कार्य गरेको भन्दै मधेश प्रदेशका मुख्यमन्त्री सरोजकुमार यादवलाई स्पष्टीकरण सोधेको छ ।

यादवले पदीय मर्यदाविपरित उननिर्वाचनको स्वच्छता, स्वतन्त्रता र निष्पक्षतामा प्रतिकूल असर पर्ने गरी गरेको भन्दै आइतबार स्पष्टीकरण सोधेको आयोगका उपसचिव कमल ज्ञवालीद्वारा जारी विज्ञप्तिका उल्लेख छ । उनका अनुसार यादवलाई २४ घण्टा भित्र लिखित स्पष्टीकरण पेश गर्न निर्देशन दिइएको छ ।

निर्वाचनलाई प्रतिकूल असर पर्नेगरी अनुमतिविना के कति कारण पचरौता नगरपालिका क्षेत्रमा गएको हो भनेर स्पष्टीकरण सोधेको हो ।

बारा–२ मा गठबन्धनबाट उम्मेदवार रहेका जसपाका अध्यय उपेन्द्र यादवलाई जिताउन मुख्यमन्त्री यादवले आचारसंहिताविपरित गतिविधि गरेको विपक्षीले आरोप लगाएका छन् ।