काठमाडौं । कुटाकुट गरेका पत्रकारहरूले मिलापत्र गरेका छन् । उनीहरूले गल्ती स्वीकार गर्दै अब यस्ता घटना नदोहोरिने प्रतिबद्धता जनाएका छन् ।

नेकपा (एमाले)को केन्द्रीय कमिटी बैठकको रिपोर्टिङ गर्न बबरमहलस्थित बैंक्विट पुगेका हिमालय टिभीका श्याम थापा र बाह्रखरी डटकमका हरिश क्षेत्रीबीच कुटाकुट भएको थियो ।

घटना बाहिरिएपछि राष्ट्रिय फोटो पत्रकार समूहका अध्यक्ष प्रदीपराज वन्त र हिमालय टिभीका प्रशासन प्रमुख राजेश श्रेष्ठको मध्यस्थतामा दुवै पक्षलाई मिलाइएको हो ।

दुवै जनालाई बोलाएर गरिएको छलफलपछि उनीहरूले आफ्नो गल्ती स्वीकार गर्दै अब आइन्दा यस्तो नगर्ने प्रतिबद्धता पनि जनाएका छन् ।

एमालेको बैठक भइरहँदा किन भयो पत्रकारबीच कुटाकुट ?