काठमाडौं । युक्रेनका उपप्रधानमन्त्रीले किएभ र रुसबीच नौ वटा मानवीय करिडोर खोल्न सहमति भएको बताएकी छन् । यी करिडोरबाट युद्धमा फसेका नागरिकहरु सुरक्षित स्थानतर्फ जान सहज हुन्छ ।

उपप्रधानमन्त्री इरायना भेरेस्चुकले फेसबुकमा एक पोस्ट सेयर गर्दै किएभ, डोनेट्स्क, जापोरिझ्यिा र लुहान्स्कमा ती मार्गहरु खोलिने बताएकी हुन् । तर उनले मरिउपोलका कुनै पनि सुरक्षित मार्गबारे उल्लेख गरेकी छैनन ।

साथै युक्रेनको पूर्वी क्षेत्र लुहान्स्कका गर्भनरले युद्धमा फसेका मानिसहरुको उद्धारका लागि युद्धविराममा सहमति भएको बताएका छन् ।

सेरी हाइदाइले टेलिग्राममार्फत स्थानीय समयअनुसार बिहान ९ बजेदेखि युद्धविराम भएको बताएका हुन् ।