एजेन्सी । मनिष पलको वेब सिरिज रफुचक्करको ट्रेलर सार्वजनिक भएको छ । उनले यही सिरिजबाट ओटिटीमा डेब्यु गर्न लागेका हुन् ।

सिरिजमा मनिषसँगै चाहत विग, प्रिया बापट, सन्तोष सिंह, आकाश दहिया र अक्षा पर्दासानी पनि देखिनेछन् । अभिनेत्री चाहत विगले पनि  यो सिरिजबाट नै ओटीटी डेब्यु गर्न लागेकी हुन् । यसअघि उनले फिल्म गुमराहमा काम गरेकी थिइन् ।

सिरिजको ट्रेलरमा मनिषलाई विभिन्न लुक्समा देखाइएको छ । सिरिजमा मनिष कहिले फिटनेस एक्सपर्टको भुमिकामा देखिनेछन् भने कहिले वेडिंग प्लानरको भूमिकामा देखिएका छन्।

उक्त वेब सिरिज नैनीताल र दिल्लीका केही क्षेत्रमा सुटिङ गरिएको हो। रितम श्रीवास्तवदे निर्देशक गरेको सिरिज १५ जुनदेखि जियो सिनेमामा प्रदर्शन हुनेछ।