काठमाडौ । प्रधानमन्त्री पुष्पकमल दाहाल ‘प्रचण्ड’ले नक्कली भुटानी शरणार्थी प्रकरणमा कुनै हालतमा सम्झौता नगर्ने बरू सरकार छाड्ने अभिव्यक्ति दोहोर्याएका छन् ।

बुधबार बिहान माओवादी केन्द्रनिकट पत्रकारहरूको संस्था प्रेस सेन्टरको प्रतिनिधिमण्डले बुझाएको ज्ञापनपत्र बुझ्दै उनले भ्रष्टाचारकाविरूद्ध संघर्ष गर्ने तर सम्झौता नगर्ने बताएका हुन्।

‘भ्रष्टाचारकाविरूद्ध सरकारले कडा कदम चाल्दै गएको छ । तपाईंहरू ढुक्क हुनुहोस्, बरू सरकार गए जान्छ कहीँ कतै नरम हुने वा यताउति हुने छैन’, उनले भने ।

सरकारले गरेको राम्रा कामको प्रचार हुन नसक्दा संसदमा विपक्षी दल हाबी भएको गुनासो उनले पोखे ।