काठमाडौं । काठमाडौं महानगरपालिकाले महानगरपालिकाभित्र सञ्चालित सबै संस्थागत निजी विद्यालयहरूसंग कक्षा ११ र १२ (प्लस २) शुल्क विवरण माग गरेको छ । महानगरपालिकाले एक सूचना जारी गर्दै सबै विद्यालयहरूलाई शुल्क विवरण पेश गर्न अनुरोध गरेको हो ।

महानगरले महानगरपालिका शिक्षा ऐन, २०७५ को दफा २७ (९) बमोजिमको विद्यालय व्यवस्थापन समितिको निर्णयसहित शुल्क प्रस्ताव असार मसान्तभित्र काठमाडौं महानगरपालिकाको शिक्षा विभागमा उपलब्ध गराईदिन भनेको छ ।

महानगरको सूचनामा भनिएको छ, ‘कक्षा ११ मा भर्ना गर्ने भर्ना गरिने विद्यार्थीहरुसँग के के शीर्षकमा के कति शुल्क लिने हो ? काठमाडौ महानगरपालिका शिक्षा ऐन, २०७५ को दफा २७ (९) बमोजिमको विद्यालय व्यवस्थापन समितिको निर्णय सहित शुल्क प्रस्ताव मिति २०८० आषाढ मसान्त भित्र काठमाडौं महानगरपालिकाको शिक्षा  विभागमा उपलब्ध गराईदिनु हुन अनुरोध गर्दछौं ।’