संसदको गतिरोध हटाउन संवादमा जुटे शीर्ष तीन दल
काठमाडौं । प्रमुख प्रतिपक्षी दल एमालेले संसद अवरोध जारी राखेपछि सदन खुलाउनका लागि प्रधानमन्त्री पुष्पकमल दाहाल प्रचण्डले संवाद थालेका छन् ।
गत सोमबार प्रधानमन्त्रीले आफूलाई प्रधानमन्त्री बनाउन सरदार प्रीतम सिंहले भूमिका खेलेको विवादास्पद अभिव्यक्ति दिएपछि एमालेले बुधबारदेखि संसद अवरोध जारी राखेको छ । प्रधानमन्त्रीले राजीनामा नदिएसम्म संसद अवरोध जारी राख्ने एमालेले अडान लिएपछि उनले आइतबार अध्यक्ष केपी ओलीसँग भेट गरेका हुन् ।
प्रधानमन्त्री तथा मन्त्रिपरिषदको कार्यालय सिंहदरबारमा भएको छलफलमा सत्ता साझेदार कांग्रेसका सभापति शेरबहादुर देउवासमेत सहभागी छन् । सदनमा एमालेले राजीनामा माग्ने र प्रधानमन्त्रीले राजीनामा नदिने अडानका कारण संसदमा विचाराधिन रहेको महत्वपूर्ण बिलहरू अलपत्र परेका छन् । सरकारले मिटर ब्याज पीडितलाई कारवाही गर्न ल्याएको अध्यादेश अवरोधका कारण निष्क्रिय भएको छ ।
सभामुखले अवरोध हटाउन प्रयास असफल भएपछि शीर्ष नेताहरू आफै संवादमा जुटेका हुन् । आजपनि विपक्षीले संसद अवरोध जारी राखेपछि प्रतिनिधिसभा स्थगित भएको छ ।
ताजा अपडेट
-
उप्रधानमन्त्री लामिछाने र स्वीडेनका राजदूत थेलेफबीच भेटवार्ता
-
बिहीबारदेखि यी स्थानमा विद्युत् आपूर्ति प्रभावित हुने
-
भरतपुरको छ लेन सडक निर्माण अन्तिम चरणमा
-
नेपाल नवप्रवर्तन र उद्यमशीलताको संस्कृति प्रवर्द्धन गर्न प्रतिबद्ध छ : प्रधानमन्त्री
-
मधेस प्रदेशका ९० प्रतिशत नागरिक बीमाको पहुँच बाहिर
प्रतिक्रिया