काठमाडौं । राष्ट्रिय स्वतन्त्र पार्टीका सभापति रवि लामिछानेले मिटरब्याजसम्बन्धी प्रतिस्थापन विधेयक सरकारले संसदमा नल्याएकोमो आपत्ति जनाएका छन् ।

शुक्रबार बसेको प्रतिनिधिसभा बैठकमा बोल्दै लामिछानेले अर्को बैठकमा विधेयक सदनमा प्रस्तुत नभए संसद अवरोध गर्ने चेतावनी दिएका हुन् ।

‘अघिल्लो बैठकमा विधेयक कार्यसूचीमै थियो । हामीले प्रतिस्थापन विधेयकमार्फत त्यसलाई अघि बढाउने प्रतिबद्धतासमेत जनाएका थियौं । तर आजको कार्यसूचीमा यो किन आएन ?’, सरकारमाथि उनल प्रश्न गरे ।

मिटरब्याज पीडितहरूले काठामाडौं केन्द्रित संघर्षबाट सरकारमाथि दबाब बढाएपछि केही पुराना ऐन संशोधन र प्रतिस्थापनका लागि नयाँ विधेयक संसदमा प्रस्तुत गरेको थियो तर एमालेको संसद अवारोधका कारण विधेयक निष्क्रिय भएको थियो ।

विधेयक तत्काल संसदमा लैजान सत्तारूढ दलभित्रै मतभेद देखिएपछि सरकारले प्रतिस्थापन विधेयक कार्यसूचीबाटै हटाएपछि विपक्षी सांसदहरूले विरोध जनाएका हुन् ।