एजेन्सी । बलिउड अभिनेत्री दीपिका पादुकोण एक सफल अभिनेत्रीको रुपमा चिनिन्छिन् ।

बलिउडको टप एक्ट्रेसको लिस्टमा रहेकी दीपिकाको करिअरमा उनको नाम धेरैसँग जोडियो । तर, उनले अभिनेता रणवीर सिंहसँग विहे गरिन् ।

रणवीर सिंह पहिले उनले रणबीर कपुरसँग पनि डेट गरेकी थिइन् । यद्यपी, यी दुवै हिरोभन्दा पनि फरक व्यक्तिसँग बलिउड मस्तानी दीपिकाको क्रस थियो ।

‘ओम शान्ति ओम’ मार्फत साहरुख खानसँग डेब्यू गरेकी दीपिकाले अर्जुन रामपालसँग क्रस रहेको बताएकी छिन् । ‘ओम शान्ति ओम’मा नेगेटिभ रोलमा देखिएका अर्जुन रामपालसँग गहिरो क्रस रहेको दिपिकाले एक अन्तर्वार्तामा खुलाएकी हुन् ।

उनले भनेकी छिन्, ‘मेरो लागि अर्जुन सबैभन्दा गुड लुुकिङ म्यान हुन् । फिल्मको सुटिङको दौडान म अभिनयमा ध्यान दिनुभन्दा पनि अर्जुनलाई नियालेर बस्थेँ ।’

बलिउडमा हिट फिल्मको स्वाद चाख्न माहिर यी अभिनेत्री फेरि एक पटक साहरुखसँग फिल्म जवानमा देखिने तयारीमा छिन् ।