एक महिना भित्र दोस्रो पटक सपथ लिँदै कोशीका मुख्यमन्त्री थापा

काठमाडौं । कोशी प्रदेशका नवनियुक्त मुख्यमन्त्री उद्धव थापाले आज बुधबार पद तथा गोपनीयताको शपथ लिँदै छन् । आजै मन्त्रिपरिषद् विस्तार गर्ने पनि थापाको तयारी छ । प्रदेश प्रमुखको कार्यालयले साढे १० बजेका लागि सपथ ग्रहणको तयारी भएको जनाएको छ ।
संविधानको धारा १६८ को उपधारा (२) अनुसार दुईभन्दा बढी दलको समर्थनमा थापा मंगलबार मुख्यमन्त्री नियुक्त भएका थिए । कांग्रेस संसदीय दलका नेता थापालाई कांग्रेससहित माओवादी केन्द्र, नेकपा एकीकृत समाजवादी र जनता समाजवादी पार्टीको समर्थन छ।
गत असार २१ मा सभामुख बाबुराम गौतमको पनि समर्थनमा मुख्यमन्त्री बनेका थापालाई ११ असारमा सर्वोच्च अदालतले पदमुक्त गरेको थियो । सभामुखकै हैसियतमा सरकार निर्माणमा सामेल भएको भन्दै सर्वोच्च अदालतले थापाको नियुक्ति बदर गर्दै सरकार गठन प्रक्रिया पुनः सुरु गर्न परमादेश दिएको थियो ।
मंगलबार तीनै सभामुख गौतमलाई राजीनामा गराएर थापा पुनः मुख्यमन्त्री नियुक्त भएका हुन् । २६ दिनमा दोस्रो पटक मुख्यमन्त्री थापाले आज सपथ लिने भएका हुन् ।
ताजा अपडेट
-
‘दुई सय ६० मेगावाट विद्युत् राष्ट्रिय प्रसारण प्रणालीबाट विच्छेद’
-
ठमेलमा ‘पर्यटन सूचना केन्द्र’ स्थापना
-
धरहराबाट करिब पाँच करोड राजस्व सङ्कलन
-
सम्पत्ति शुद्धीकरण मामिलामा खैरो सूचीबाट बाहिर निस्कन अनुसन्धान र कारबाही प्रभावकारी बनाइने
-
नेपालको कर्मचारीतन्त्र सुधारका लागि विशिष्टीकृत सेवा आवश्यक हो ?
प्रतिक्रिया